Tiñamos tantas ganas de sair que, en canto apareceron unhas raioliñas de sol, puxémonos a camiñar.
Saímos cara Barosela pola beira do río Agra.
Ao chegar á ponte Ramil, deixamos o camiño para comezar o camiño monte a través cara a fervenza das Laxes.
Había que ir moi amodo porque nas laxes podiamos esvarar, pero o camiño pagaba a pena xa que son espectaculares!
Puidemos ver varios muíños e as fotos quedáronnos xenial!
Temos que seguir subindo para ver a canteira dende arriba.
Volvemos ao camiño e pasamos pola Fontaíña e chegamos á igrexa de San Pedro de Rebón. Alí, o profe Pablo, tíñanos preparado un xogo de pistas sobre os elementos decorativos da igrexa e os instrumentos medievais que atopamos nos canzorros. Por certo, temos que darlle as grazas a Julia que nos abriu a igrexa para que puidésemos vela por dentro.
Unha vez que merendamos e recuperamos forzas comezamos o camiño de volta polo monte de Barosela.
Fixemos outra paradiña nunha pedra xigante, aínda nos quedaban 3 km para chegar ao cole.
Foi unha camiñata preciosa. Rematamos tan cansos...precisamos entrenar máis para a seguinte !
Ningún comentario:
Publicar un comentario